ҲАБСИ 2 МУҲОҶИРИ ТОҶИКУ ӮЗБЕК БО ИТТИҲОМИ СӮИҚАСД БА ҶОНИ ВАКИЛИ ДУМАИ ДАВЛАТИИ РУСИЯ 

Додгоҳи шаҳри Самара дар ҷануби Русия рӯзи 20 июли соли 2024 ду ҷавони 19-солаи зодаи Тоҷикистону Ӯзбекистон Некрӯз Боҳиров ва Мурод Мусуров ва навраси 16-солаи сокини Самара Артур Багировро бо иттиҳоми сӯиқасд ба ҷони вакили Думаи давлатӣ, палатаи поёнии парлумони ин кишвар Михаил Матвеев ва ронандаи ӯ ба муҳлати 2 моҳ, яъне то 18 сентябр ба ҳабси пешакӣ гирифт. 

Некрӯз Боҳиров гуноҳашро эътироф карда, дар посух ба суоли судя Карина Бичкова ҷавоб дод, ки “изҳори пушаймонӣ мекунам ва омодаам, ки узр бипурсам”.

Некрӯз Боҳиров, санаи таваллудаш 2 феврали соли 2005, зодари шаҳри Конибодом дар шимоли Тоҷикистон ва алакай шаҳрванди Русия будааст. Оилаи онҳо дар шаҳри Толятти сабти ном шудааст, вале дар Самара зиндагӣ мекард.

Матвеев қаблан иддао карда буд, маҳз Боҳиров “саркардаи дастаи байналмилалиест, ки сабабгори муноқиша бо сокинони маҳаллӣ шуд”.