ДАР НОҲИЯИ ҒАФУРОВ ЯК МӮСАФЕД МӮСАФЕДИ ДИГАРРО КОРД ЗАДААСТ
ДАР НОҲИЯИ ҒАФУРОВ ЯК МӮСАФЕД МӮСАФЕДИ ДИГАРРО КОРД ЗАДААСТ
Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 66-солаи сокини ноҳияи Б.Ғафуров бо гумони қасдан расонидани зарари вазнин ба саломатӣ дастгир карда шуд. Гумонбаршаванда, 28-уми ноябри соли 2023, тахминан соати 13:30-дақиқа, ҳангоми дар кӯчаи Б.Ғафурови ноҳияи мазкур қарор доштанаш, бо пирамарди 72-солаи сокини ҳамин ноҳия ҷанҷу ҷанҷол карда, бо мақсади қасдан расонидани ҷароҳати вазнин ба саломатӣ, аз кисааш кордро гирифта, онро ба тарафи ҷабрдида ҳаво медиҳад, ки дар натиҷа корд ба қафаси синаи номбурда задааст.
Ҷабрдида ҷароҳати вазнини ҷисмонӣ бардошта, дар беморхона бистарӣ карда шудааст.