ТАФСИЛОТИ САДАМАИ КӮЛОБ: АРӮСУ ДОМОД ОСЕБ НАДИДААНД
ТАФСИЛОТИ САДАМАИ КӮЛОБ: АРӮСУ ДОМОД ОСЕБ НАДИДААНДОрзу Ҳамидиён, муовини раиси шаҳри Кӯлоб садамаи мудҳиши шоми 6-уми август ва то куҷо воқеият доштани ба ҳалокат расидани арӯсу домодро шарҳ дод.
Ӯ дар суҳбат бо Pressa.tj гуфт, ки вақти бархӯрди “Дулан” ба чанд мошину хонаҳои истиқоматӣ, дар ҷойи ҳодиса 8 нафар ва дар беморхона 2 нафар ба ҳалокат расидаанд.
Дар посух ба саволи “оё рост аст, ки дар ин садамаи мудҳиш арӯсу домод ва чанд ҳамроҳи ӯ низ ба алокат расидаанд?” Орзу Ҳамидиён чунин гуфт: “Вақте ки мошини “Дулан” ба хонаи арӯс бармехӯрад, аллакай арӯсу домодро ба хонаи бахт гусел карда будаанд. Хушбахтона, дар ин садама арӯсу домод осебе надидаанд”.
Ба гуфтаи Орзу Ҳамидиён, ҳоло аз ҷониби мақомоти дахлдор роҳҳои мавзеи садама тоза карда шуда, рафтуомади мошинҳо таъмин гардидааст.
