расонаи иттилии - Ориён » Асосӣ » Эмомалӣ Раҳмон ҳамтои худ Раҷаб Тайиб Эрдуғонро бо пирӯзӣ дар интихобот табрик гуфт

Асосӣ / Президент / Сиёсат

Эмомалӣ Раҳмон ҳамтои худ Раҷаб Тайиб Эрдуғонро бо пирӯзӣ дар интихобот табрик гуфт

Имрӯз, 29-уми май, Эмомалӣ Раҳмон, Президенти Тоҷикистон ҳамтои худ Раҷаб Тайиб Эрдуғонро бо пирӯзӣ дар интихоботи президентии Туркия табрик гуфт.

Дар матни табрикотии сарвари давлати Тоҷикистон, ки сомонаи расмии ӯ интишор кардааст, гуфта мешавад: “Натиҷаҳои ин чорабинии муҳими сиёсӣ боз як далели эътимоди ҷомеаи Туркия ба Шумо ва аз ҷониби он ба таври васеъ дастгирӣ ёфтани сиёсати созандаатон мебошад, ки ба рушди пойдори кишвар ва таҳкими нуфузу эътибори он дар арсаи байналмилалӣ нигаронда шудааст”.
Дар идома, Эмомалӣ Раҳмон таваҷҷуҳи Раҷаб Тайиб Эрдуғонро ба раванди густариши робитаҳои анъанавии дӯстона ва ҳамкориҳои гуногунҷанбаи судманди Тоҷикистону Туркия ҷалб карда, изҳори боварӣ намудааст, ки “дар давраи нави фаъолияти Шумо дар ин маснади олӣ мо муколамаи созандаи байнидавлатии ҷонибҳоро идома бахшида, ба нафъи мардумонамон мазмуну муҳтавои муносибатҳои шарикии дарозмуддати ду кишварро бо тадбирҳои нави амалӣ боз ҳам ғанӣ хоҳем гардонид”.
Дар охир роҳбари давлати Тоҷикистон ба президенти Туркия сиҳатмандии комил ва комёбиҳо ва ба мардуми Туркия сулҳу амонӣ хостааст.
Ёдовар мешавем, ки дирӯз, 28-уми май, дар Туркия даври дуюми интихоботи президентӣ баргузор шуд. Раҷаб Тайиб Эрдуғон дар даври дуюми интихоботи президенти бо Камол Қиличдороғулу вориди рақобат шуд ва бо касби бештар аз 52 дарсади оро, пирӯз гардид.
Баъди пирӯзӣ Раҷаб Таййиб Эрдуғон дар як суханронӣ миёни ҳаводоронаш дар Истанбул бо қадрдонӣ аз мардумаш барои иштирок дар интихобот гуфт, ки “онҳо ба мо масъулият доданд, ки барои панҷ соли дигар дар қудрат бошем”.
Камол Қиличдороғулу бошад интихоботро “ноодилона” хонд.
Раҷаб Таййиб Эрдуғон соли 2003 сарвазири Туркия интихоб шуда, то соли 2014 дар ин мақом фаъолият кардааст. Пас аз ворид кардани тағйироб ба сарқонуни Туркия, ӯ соли 2014 президенти кишвар интихоб шуд ва то кунун дар ин маснад боқӣ мемонад.

asiaplus

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

  • Ахборотҳоро ба суроғаи электронии мо - tamos@orien.info ирсол намоед.

    забонҳо

    Маъмурияти сомона:

    Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.