расонаи иттилии - Ориён » Асосӣ » Аз вокуниши толибҳо то патриархати Маскав ба сӯзондани Қуръон дар Шветсия

Асосӣ / Ҷомеа / Ҳаводис / Ҷаҳон

Аз вокуниши толибҳо то патриархати Маскав ба сӯзондани Қуръон дар Шветсия

Масъули робита бо ҷомеаи патриархати Маскав қуръонсӯзиро вандализм хонда, таъкид намудаст, ки набояд ба чизе, ки барои дигарон муқаддас аст, туф кард

Сӯзондани Қуръон аз ҷониби як сиёсатмадори ростгаро зимни ҳамоиш дар пеши сафорати Туркия дар Шветсия вокунишҳои тундро дар нуқоти гуногуни ҷаҳон ба вуҷуд овард.
Дар Анқара дар посух ба сӯзондани Қуръон парчами Шветсияро оташ заданд. Сокинони Туркия ин кирдорро зиддиисломӣ хонда, дар ҷавоби беадабӣ эътироз барпо карданд. "Шабе мо ногаҳон ба Стокҳолм меоем!", - шиор доданд эътиозгарон.
Вазорати умури хориҷии толибҳо низ бо нашри як изҳорот сӯзондани Қуръонро маҳкум карда, онро иғвоангезӣ хондааст. Толибҳо аз Стокҳолм талаб кардаанд, ки омилони ин қазияро муҷозот кунад.
Раиси бахши равобити бо ҷомеа ва расонаҳои патриархати Маскав, Владимир Легойда сӯзондани Қуръон аз ҷониби як сиёсатмадори ифротгарои ростгарои Шветсияро "амали вандализми ғайриқобили қабул" номид.
"Наметавон ба чизе туф кард, ки барои шахси дигар муқаддас аст. Дар муборизаи сиёсӣ аз марзи башарият убур карда, муқаддасоти мазҳабиро таҳқир кардан мумкин нест", - таъкид намудаст Легойда дар саҳифааш дар "Telegram".
Маврид ба зикр аст, ки ахиран як сиёсатмадори радикали ростгарои аврупоӣ ва раҳбари ҳизби "Муомилаи сахт" Расмус Палудан китоби муқаддасро дар назди сафорати Туркия сӯзонд.
Ӯ ба ин иқдом зимни ҳамоише даст зад, ки барои баргузории он дар пеши сафорати Туркия дар Шветсия иҷозат дошт.

sputnik

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.