расонаи иттилии - Ориён » Асосӣ » Размикори тоҷики мағлубнашудаи ММА ба фатҳи Амрико меравад

Асосӣ / Ҷомеа / Варзиш

Размикори тоҷики мағлубнашудаи ММА ба фатҳи Амрико меравад

Ӯ дар 13 қувваозмоии ММА 13 ғалаба ба даст оварда, бо назардошти ин дастовард, ташкилоти промоутерии Bellator бо размикори тоҷик қарордод баст.

Размикори ММА Сарварҷон Ҳамидов тирамоҳ бори нахуст дар Лигаи Bellator бо амрикоӣ Ҷаред Скоггинс рақобат мекунад. Қувваозмоӣ бояд рӯзи 12 август баргузор мешуд, лекин ба Сарварҷон дарёфти раводид (виза)-и ИМА муяссар нашуд ва аз ин рӯ, қувваозмоиро бо иштироки ӯ ба вақти дертар мавқуф гузоштанд.
Ҳамидов дар 13 қувваозмоии ММА 13 ғалаба ба даст оварда, лекин ин рақобатҳо дар дигар лигаҳо баргузор шуданд. Бо назардошти ин дастовард, ташкилоти промоутерии Bellator, ки 2-юмин ташкилот дар ММА пас аз UFC шуморида мешавад, бо размикори тоҷик қарордод баст.
Пирӯзии Сарварҷон Ҳамидов дар муҳориба бо варзишгари Бразилия Фабрисио Сарафф дар промоушени UAE Warriors, ки дар он доварон якдилона Ҳамидовро ғолиб донистанд, барои имзои қарордод бо Bellator мусоидат намуд.
Ин рақобати сенздаҳуми касбии варзишгар дар вазни сабуктарин (Flyweight, то 125 фунт ё 57 кг) буд.
Лигаи Bellator соли 2008 таъсис дода шудааст. Дар радабандии ММА-промоушенҳо тибқи фарзияи портали MMA Oracle, Bellator пас аз лигаи нисбатан бонуфузи UFC зинаи дуюмро ишғол мекунад.
Ҳамидов дар мусобиқае, ки дар шаҳри Су-Фолис иёлат (штат)-и Дакотаи Ҷанубӣ доир мегардад, бо варзишгари амрикоӣ Ҷаред Скоггинс (10 ғалаба, 2 бохт) қувваозмоӣ хоҳад кард.
Сарварҷон Ҳамидов 25-сола буда, дар Нуробод таваллуд шудааст. Айни замон оилаи онҳо дар шаҳри Душанбе иқомат дорад. Ӯ хатмкардаи риштаи иқтисод ва менҷменти Донишгоҳи давлатии Олтой мебошад.
Дар ин ташкилот яке аз размикорони пурқуваттарини ММА аз Тоҷикистон Шараф Давлатмуродов низ ҳунарнамоӣ мекунад, ки ҳамзамон мураббии Ҳамидов аст. Дар омодагии Сарварҷон ба муҳорибаҳои касбӣ саҳми мурабии маъруф Алан Алифбеков низ назаррас мебошад.
Айни замон Сарварҷон ният дорад, ки ба ИМА равад, то ки ба қувваозиоии нахустини худ дар лигаи нисбатан пурнуфуз омодагӣ бигирад. Чун дар 13 қувваозмоӣ ӯ ҳоло ягон бор шаҳди мағлубиятро начашидааст, аз ин рӯ букмекерон имкони пирӯзии ӯро дар рақобат бо Ҷаред Скоггинс баланд арзёбӣ мекунанд. Мо низ ба варзишгари тоҷик пирӯзӣ таманно мекунем!

Манбаъ

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.