расонаи иттилии - Ориён » Асосӣ » Фавт нест: вазорат омори нави гирифторӣ ба COVID – 19 дар Тоҷикистонро эълон кард

Асосӣ / Ҷомеа

Фавт нест: вазорат омори нави гирифторӣ ба COVID – 19 дар Тоҷикистонро эълон кард


Вазорати тандурустӣ ва ҳифзи иҷтимоии аҳолии Тоҷикистон омори ҷадиди сироят ва шифоёбӣ аз вируси коронаро эълон кард.
Тибқи иттилои ин ниҳод шабонарӯзи охир дар ҷумҳурӣ 60 ҳолати ҷадиди гирифторӣ ба COVID — 19 ба қайд гирифта шудааст.

Бар асоси омори нашркардаи ин ниҳод, шумораи гирифторон ба ин вирус нисбат ба шумори шифоёфтагон дар як шабонарӯз камтар мебошад.

Манбаъ қайд кардааст, ки дар як шабонарӯзи гузашта 85 нафар шифо ёфтаанд.

Масъулини вазорати тандурустии Тоҷикистон таъкид намуданд, ки дар шабонарӯз ягон ҳолати фавт аз коронавирус ба қайд гирифта нашудааст.

Охирин ҳолати марг аз коронавирус расман дар ҷумҳурӣ 10 август сабт шуда буд. Дар маҷмуъ теъдоди фавтидагон аз ин маризӣ 123 нафар арзёбӣ шудааст.

Дар маҷмӯъ, аз аввали бақайдгирӣ то имрӯз, 15 август дар кишвар 16121 нафар гирифторони сирояти коронавируси нави COVID-19 ба қайд гирифта шуда, аз ин шумора то санаи зикргардида 15756 нафар (97,7%) шифо ёфтаанд.

Вазорати тандурустӣ ва ҳифзи иҷтимоии аҳолии Тоҷикистон аз тамоми сокинони кишвар даъват ба амал меорад, ки дар ҷойҳои ҷамъиятӣ қоидаҳои пешгирикунандаи бемории коронавирусро қатъиян риоя намоянд.


 

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.