Комроншоҳи Устопириён ба Бозиҳои олимпии Токио-2020 роҳ ёфт
Комроншоҳи Устопириён, паҳлавони маъруфи тоҷик ба Бозиҳои олимпии Токио-2020 роҳ ёфт. Федератсияи ҷудои Тоҷикистон дар ин робита бо такя ба феҳристи нави олимпии Федератсияи ҷаҳонии ҷудо иттилоъ додааст.
Федератсияи ҷудои Тоҷикистон рӯзи 11-уми июн дар сайти расмии худ навишт, ки бар асоси феҳристи кунунии олимпӣ, Комроншоҳ Устопириён дар байни байни 398 ҷудочии чаҳон, ки дар вазни -90 килограм ҳунарнамоӣ мекунанд, дар мақоми 21-ум бо 2784 имтиёз қарор дорад. Ба иттилои Федератсияи ҷудои Тоҷикистон, бо ин натиҷа ӯ ба таври мустақим дар феҳристи ҷудокороне, ки дар Олимпиадаи Токио-2020 иштирок мекунанд, ҷой гирифт.
Сарчашма: ozodi.org
