расонаи иттилии - Ориён » Асосӣ » Иттифоқи ҷавонони Тоҷикистон Эмомалӣ Раҳмонро номзад ба мансаби президентӣ пешбарӣ кард

Асосӣ / Сиёсат

Иттифоқи ҷавонони Тоҷикистон Эмомалӣ Раҳмонро номзад ба мансаби президентӣ пешбарӣ кард

Федератсияи иттифоқҳои касабаи мустақил низ қаблан президенти амалкунандаро номзад пешбарӣ карда буд.

Сурат: хадамоти матбуоти президенти ҶТ, акс аз бойгонӣ
Дар Филармонияи давлатии Тоҷикистон ба номи Акашариф Ҷӯраеви шаҳри Душанбе Анҷумани XIV ғайринавбатии Иттифоқи ҷавонони Тоҷикистон доир гардид, ки дар он вакилон якдилона номзадии Эмомалӣ Раҳмонро ба мансаби президентӣ пешбарӣ карданд.
Федератсияи иттифоқҳои касабаи мустақили Тоҷикистон низ қаблан президенти амалкунандаро номзад пешбарӣ карда буд.
Ба ин тариқ, аз 7 ҳизби сиёсии Тоҷикистон то ин дам 4-тоаш - Ҳизби аграрӣ (пешвои ҳизб Рустам Латифзода), Ҳизби сотсиалистӣ (раиси ҳизб Абдуҳалим Ғаффоров), Ҳизби демократ (раиси ҳизб Саидҷаъфар Усмонзода) ва ҲИИТ (раиси ҳизб Рустам Раҳматзода) номзадҳояшонро ба мансаби президентӣ дар интихоботи моҳи октябр пешбарӣ намуданд.
Ҳамчунин аз ҷониби вакилони анҷуманҳои Федератсияи иттифоқҳои касабаи мустақили Тоҷикистон ва Иттифоқи ҷавонони Тоҷикистон президенти амалкунанда Эмомалӣ Раҳмон номзад ба мансаби президентӣ пешбарӣ шуд.

Дар назар аст, ки Ҳизби коммунист ва Ҳизби халқии демократии Тоҷикистон низ аввали моҳи сентябр номзадҳои худро ба мансаби президентӣ дар интихобот пешбарӣ мекунанд.
Дар ҳамин ҳол, раиси Ҳизби сотсиал-демократии Тоҷикистон (ҲСДТ) Раҳматилло Зойиров изҳор дошт, ки номзадиашро ба мансаби президент пешбарӣ намекунад. Ӯ изҳори умедворӣ намуд, ки шӯрои сиёсии ҳизб ба интихобот таҳрим (бойкот) эълон мекунад.
Ёдрас мекунем, ки интихоботи навбатии президенти Тоҷикистон ба рӯзи 11 октябри соли равон таъин шудааст.

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.