расонаи иттилии - Ориён » . » Сиёсат » Русия 3400 шаҳрванди Тоҷикистонро аз фурудгоҳҳо бозпас гардонд

Сиёсат / Муҳоҷир

Русия 3400 шаҳрванди Тоҷикистонро аз фурудгоҳҳо бозпас гардонд

Досмотр пассажиров в аэропорту. Архивное фото - Sputnik Тоҷикистон, 1920, 24.07.2024
 Дар шаш моҳи аввали соли равон 3400 муҳоҷир аз фурӯдгоҳҳои Русия ба Тоҷикистон баргардонида шуданд.
Дар ин бора мудири Агентии ҳавонавардии Тоҷикистон, Ҳабибулло Назарзода иттилоъ дод.
Сабаби бозпас гардондани муҳоҷирони меҳнатии тоҷик аз фурӯдгоҳҳои Русия дар дуруст набудани ҳуҷҷат ва бе даъватнома рафтани онҳо будааст
Ба гуфтаи ӯ, сабаби баргардондан ва депорти муҳоҷирон комил набудани ҳуҷҷатҳояшон барои кору зиндагӣ дар Русия мебошад.
Назарзода таъкид намуд, ки авҷи депорту баргардондани муҳоҷирон ба як моҳи баъди ҳаводиси "Крокус" рост омада, феълан вазъ ба реҷаи муқаррарӣ баргаштаст. Онҳое, ки ҳуҷҷатҳояшон мушкил надоранд, бе монеъа сафар мекунанд, афзуд ӯ.
Ҳамчунин зимни нишасти матбуотӣ масъулини Фурудгоҳи байналмилалии Тоҷикистон хабар доданд, ки хизматрасонӣ ба мусофирон нисбат ба ҳамин давраи соли гузашта 36% коҳиш ёфтааст.
“Дар нимсолаи аввали соли 2024 Фурудгоҳи байналмилалии Тоҷикистон ҳамагӣ ба 1 млну 667 ҳазору 900 мусофир хизмат расонидааст, ки ин нишондод нисбат ба ҳамин давраи соли гузашта 35 ҳазору 800 нафар ë 36 фоиз кам мебошад”, - қайд кард зимни нишасти матбуотӣ масъулони ин ниҳод.
Ҳамзамон теъдоди хатсайрҳо бошад дар нимсолаи якуми соли равон ба 5 ҳазору 787 хатсайр анҷом дода шуд, ки нисбат ба нимсолаи соли гузашта 238 хатсайр ва ë 2,3 фоиз кам мебошад.
Масъулин қайд кардаанд, ки сабаби кам гардидани нишондодҳои корӣ дар ин давра ин ба омилҳои ҷорӣ намудани маҳдудиятҳо дар қонунгузории Русия дар муносибат бо муҳоҷирони корӣ рабт дорад.

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.