МИСЛИ КИНО: ЯК МАҲБУСИ ТОҶИК ВА 5 МАҲБУСИ ДИГАР АЗ ЯК ЗИНДОНИ ДОҒИСТОН ТАВАССУТИ НАҚБ ФИРОР КАРДААНД
Шаби 23 сентябр 6 маҳбус аз зиндони №2 дар шаҳраки Шамхал дар канори Махачқалъа, маркази ҷумҳурии Доғистони Русия тавассути нақб фирор кардаанд. Ба гуфтаи мақомоти қудратии Доғистон, 5 нафар аз маҳбусони фирорӣ зодаи худи Доғистон ва як нафари дигараш аз Тоҷикистон будаанд. Чор нафари онҳо бо ҷурмҳои марбут ба қочоқи маводи мухаддир ва дуи дигар бо ҷурми куштор маҳкум ба зиндон шудаанд. Ҳоло дар саросари Доғистон амалиёти вижа барои ҷустуҷӯи маҳбусони фирорӣ ба роҳ андохта шудааст.
