Ин ташаббуси ректори донишкада Убайдулло Асрорзода бахшида ба  29-умин солгарди Истиқлолияти давлатӣ сурат гирифт ва мукофоти пулӣ  8-уми сентябр ба ҳайати омӯзгорон ва кормандон супорида шуд.  Дар ин бора ба Pressa.tj аз донишкадаи мазкур хабар дода, иброз доштанд, ки дар ин рӯз ҳамчунин, собиқадорони ин муассаи олӣ бо Ифтихорнома ва мукофоти  молӣ қадрдонӣ гардиданд. Тибқи иттилои манбаъ, ҳоло наздики 400 нафар дар Донишкадаи сайёҳӣ, соҳибкорӣ ва хизмат фаъолият доранд.

Ҳоло раёсати донишкада тасмим гирифтааст, ба ҳар муаллиме, ки рисолаи номзадӣ ҳимоя мекунад, 10 ҳазор сомонӣ ва ҳар номзаде, ки рисолаи докториашро ҳимоя мекунад, 20 ҳазор сомонӣ диҳад. Ҳадаф аз ин ҷалби устодон ба корҳои илмӣ-амалӣ ва бештар намудани сафи унвондорон аст.  Инчунин, ректори донишкада Убайдулло Асрорзода талош дорад, ки  ояндаи назди  факултети муштараки сайёҳии Донишкадаи сайёҳӣ, соҳибкорӣ ва хизмат ва Донишгоҳи давлатии сайёҳӣ ва хизмати Россияро таъсис диҳад.