Шумори фавтидагон аз коронавирус дар Тоҷикистон ба 70 нафар расид
Аз оғози пандемия то ин дам 7 ҳазору 581 кас ё худ 86,2% аз ин беморӣ шифо ёфтанд.
Сурат: Абдуллоҳ Ғурбатӣ/Asia-PlusБа ҳолати шоми 6 сентябр дар Тоҷикистон 8 ҳазору 792 ҳолати сироятёбӣ аз коронавирус ба қайд гирифта шудааст.
Бино ба иттилои Вазорати тандурустии ҷумҳурӣ, давоми ду рӯзи истироҳати гузашта шумори сироятёфтагон 68 нафар афзудааст.
Теъдоди фавтидагон аз ин вирус низ зиёд шуда, аз оғози пандемия дар Тоҷикистон 70 нафар аз ин беморӣ фавтиданд.
Гуфта мешавад, аз оғози пандемия то ин дам 7 ҳазору 581 кас ё худ 86,2% аз ин беморӣ шифо ёфтаанд.
Зикр мегардад, ки дар як шабонарӯзи охир 88 нафар гумонбарон зери назорати табибон қарор дошта, 32 нафар баъд аз муолиҷа ба хонаҳояшон рухсат дода шуданд.
