расонаи иттилии - Ориён » . » Ҷомеа » ТИФЛИ НАВЗОД БА ДИЛНОЗА КАРИМОВА МУБОРАК

. / Ҷомеа

ТИФЛИ НАВЗОД БА ДИЛНОЗА КАРИМОВА МУБОРАК

 
Дилноза Каримова, овозхони 38-солаи тоҷик, ки дар шари Хуҷанд зиндагиву фаъолият дорад, дар саҳифаи Фейсбукаш хабар дод, ки бори дигар модар шудааст. Фарзанди деринтизори овозхон моҳи гузашта ба дунё омада, ба ӯ Салоҳиддин ном ниҳодаанд.

Каримова ҳанӯз моҳи январи имсол дар баромадҳои солинавиаш гуфта буд, ки ҳомиладор ва дар интизори писарча аст. “Имрӯз мехоҳам шодии беандозаи хонадонамонро бо шумо қисмат намоям.

Шукри Парвардигори олам, ки ба мо неъмати бебаҳои умр-фарзандро ҳадя намуд. Беш аз як моҳ аст, ки меҳмони нав, шоҳписари мо-Салоҳиддини азизу кучулу ба хонадони мо шодӣ овардаву захмҳои дили решро марҳам мекунад”,-навиштааст овозхон ва дар идома ба кулли мухлисону ҳаводоронаш барои орзуву ниятҳои некашон изҳори сипосу миннатдорӣ кардааст.

То ҷое мо огоҳ ҳастем, ин нахустин фарзанди овозхон аз издивоҷи дувумаш аст, аммо Каримова низ чун дигар санъаткорон дар хусуси ҳаёти шахсиаш ҳарф заданро дӯст намедорад. Диёрбеки 6-сола, фарзанди калонии овозхон шаби 31-уми декабри 2017 дар яке аз беморхонаҳои шаҳри Деҳлии Ҳиндустон аз бемории саратон даргузашта буд.

Пас аз як ҳафтаи марги ҷигарбандаш, 7-уми январи соли 2018 модараш Матлуба Розиқоваи 61-сола низ аз олам чашм пӯшид. Дилноза Каримова баъди ин ду мусибат муддате тарки саҳна кард ва боз дубора баргашт. Ҳоло ӯ соҳиби ду писар, яке аз издивоҷи аввал ва дигаре аз издивоҷи дувумаш аст.

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.