Ошкор гардидани ҷиноятҳои ғоратгарӣ
Инчунин, номбурда рӯзи 17-уми январи соли 2021, тахминан соати 10:30-дақиқа, ҳангоми дар кӯчаи Гипроземи пойтахт назди бозори «Деҳқон» қарор доштанаш, аз дасти ноболиғи 8-солаи сокини ҳамин ноҳия бо роҳи зӯроварӣ ва ошкоро 1-адад телефони мобилии тамғаи «Хонор 7-А», ки арзишаш 1 ҳазору 100-сомониро ташкил медиҳад, тасарруф намуда, аз ҷойи ҳодиса ғайб задааст.
Аз рӯи ин ҳодисаҳо тафтишот идома дорад.
Ҳамчунин оид ба ҳодисаи ғоратгарӣ ба ШВКД-2 дар ноҳияи Рӯдакӣ бо ариза ҷавони 22-солаи сокини шаҳри Душанбе муроҷиат намудааст, ки 19-уми январи соли 2021, ҳангоми бо автомашинаи шахсиаш тамғаи “Хундай-Солярис”, дар ҳудуди шаҳри Душанбе, кӯчаи Айнӣ назди маркази савдои “Садбарг” ба мусофиркашонӣ машғул буданаш, шахси номаълум дар ҳолати мастӣ қарор дошта, бо роҳи зӯроварӣ ва ошкоро воситаи нақлиёташро ҳай карда бурдааст.
Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 36-солаи сокини ҷамоати деҳоти Гулистони ноҳияи Рӯдакӣ бо гумони содир намудани ҷинояти ғоратгарӣ дастгир гардида, тафтишот идома дорад.
