расонаи иттилии - Ориён » . » Ҷомеа » Ҷавони ҳамҷинсгаро: “Орзу дорам аз ин дард раҳо шавам”

. / Ҷомеа

Ҷавони ҳамҷинсгаро: “Орзу дорам аз ин дард раҳо шавам”

Ин ҷавон мегӯяд ҳатто худро аз ҳамтоёнаш дур мегирад ва намехоҳад ба гуруҳи онҳо шомил шавад

Сурат: Радиои Озодӣ
Ҷавони тоҷике, ки барои ҳамҷинсгароӣ аз ҷониби ҳамкоронаш лату кӯб карда шуд, дар суҳбат ба “Азия-Плюс” гуфт, ки намехоҳад нисбат ба онҳо парвандаи ҷиноӣ боз гардад ва онҳо ҷазо бигиранд. Ба гуфти ин ҷавон, ӯ мехохад озордиҳандагон танҳо зарари молии ба ӯ расидаро ҷуброн кунанд.
“Ман намехоҳам, ки онҳо ҷазо гиранд. Ман мехоҳам маблағе, ки барои табобат қарз кардам, ҳамонро барқарор намоянд”.
Ин ҷавони сокини Душанбе, донишҷӯйи яке аз донишгоҳҳои Душанбе аст ва фориғ аз дарс дар яке аз сартарошхонаҳои Душанбе кор мекард. Рӯзи 13 - сентябр ду нафар аз ҳамкорони ин ҷавон, пас аз он ки огаҳ мешаванд ҳамкорашон ҳамҷинсгаро аст ӯро лату кӯб намуда, дар натиҷа ҷоғашро шикастаанд, ки аз ҳуш меравад.
“Баъди ба ҳуш омадан, ҳодисаро ба ҳамкоронам гуфтам, вале онҳо маро дарк намекарданд. Ман ба онҳо фаҳмондам, ки намехоҳам чунин бошам, вале... Ман низ мехоҳам зиндагии осуда ва оилаи солим дошта бошам. Орзуи ман ҳамин аст, ки бас кунам ва ба ин амал даст назанам. Чанд маротиба ба худкушӣ даст задам то аз ин зиндагӣ раҳо ёбам. Шумо фикр мекунед, ки барои ман ин писанд аст? Ин беморӣ аст, чӣ аст нафаҳмидам”, - мегӯяд ин ҷавон.
Баъди ронда шудан аз сартарошхонае, ки кор мекард ин ҷавон тасмими ба пулис муроҷиат карданро нагирифт, чун аз овоза шудан метарсид. Бинобар ин қарор медиҳад, ки  худкушӣ мекунад.
“Соати 12 шаб ба назди пули дарёи Душанбе рафтам ва хостам худкушӣ кунам. Ногаҳон чеҳраи модарам пеши назар омад. Ва танҳо ба хотири ӯ ман ба рақамҳои боварии ВКД занг задам. Онҳо даъвои маро қабул намуда, соати 1 шаб ба шӯъбаи корҳои дохилии ноҳияи Фирдавсӣ рафтам ва аризаамро навиштам. Баъдан ман ва ҳамун ду нафар, ки маро лату кӯб намуданд ба назди нозири минтақавӣ ба ноҳия Фирдавсӣ даъват шудем. Ҷавонон маро гунаҳгор бароварданд. Баъдан барои расидагӣ ба қазия ба Додситонии кулл ва дастгоҳи иҷроияи Президенти Тоҷикистон муроҷиат намудам. Аз додситонӣ ҷавоб омад, ки парвандаи ҷинӣ оғоз шуда, дар тафтишоти пешакӣ қарор дорад”.
Ин ҷавон нақл мекунад дар хурдсолӣ, вақте дар синфи 6 таҳсил мекард, ҷавони ҳамсоя ӯро таҷовуз намудааст. Ба гуфти худаш баъди ин ӯ хеле руҳан бемор мешавад. Аммо ин кори шударо ба хонаводаи худ қисса намекунад. Ва имрӯз хеле афсус мехӯрад, ки чаро хонаводаашро аз ин кирдори ҳамсоя огоҳ накард.
“Аз тарсу шарм нагуфтам ба хонавода.  Ҷавони ҳамсоя чанд маротибаи дигар талош ба таҷовуз кард, вале ман гуфтам ба волидонам мегӯям ва ба милитсия месупоранд туро. Ва аз ӯ раҳо шудам. Ман ҳатто ба духтаре ошиқ шуда будам, аммо бо сабаби шароити вазнин зиндагӣ натавонистам оиладор шавам. Мо бе падар ба воя расидем ва зиндагии хеле вазнин доштем”.
Ӯ гуфт, мактабро бо баҳои хубу аъло хатм намуда, донишҷӯйи яке аз донишгоҳҳои шаҳри Душанбе аст. Ва  танҳо дар синни 17-солагӣ дарк намудааст, ки ӯ ҳамҷинсгаро аст ва инро рад низ намекунад.
Ҳамсӯҳбати мо аз он нигаронӣ мекунад, ки шояд баъди расонаӣ шудани ин масъала таҳқир ва бадбинӣ нисбат ба ӯ бештар гардад. Ва шояд хонаводааш аз ӯ дур шаваду ҳатто дигар қабул накунанд. Аммо ӯ мегӯяд, ҳамеша канори онҳо мемонад ва ҳеҷ гоҳ тарки Ватан низ намекунад.
Вале, мегӯяд,-ин ҷавон, орзу дорад аз ин дард раҳо ёбам. “Ман орзу дорам ин дард маро раҳо кунад. Ман намехоҳам ба гуруҳи ҷавонони ҳамҷинсгаро шарик шавам. Ман аз онҳо канор мегардам. Ман дар зиндагӣ танҳо ғамро дидам ва ба ҳеҷ кас инро орзу намекунам. Хеле сахту азоб аст. Ва орзуи ман ҳамин аст, ки зиндагии осуда дошта бошам”. 

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.