расонаи иттилии - Ориён » . » Ҷомеа » Қурби расмии доллар дар Тоҷикистон то 11,3 сомонӣ боло рафт

. / Ҷомеа

Қурби расмии доллар дар Тоҷикистон то 11,3 сомонӣ боло рафт

Ин бартараф кардани фарқият байни қурби расмӣ ва ғайрибонкӣ маънидод мешавад.

Бонки миллии Тоҷикистон
Сурат: аз SmartMoney.one
Бонки миллии Тоҷикистон (БМТ) тасҳеҳи (коррексияи) якдафъаинаи қурби расмии доллари ИМА-ро амалӣ намуда, қурби расмиро барои 1 доллари ИМА аз 10,30 сомонӣ баробар ба 11,30 сомонӣ муайян кард.
Дар бонки миллӣ инро коҳиш додани фишорҳои қурбӣ, таъсири хавфҳои асъории ҷойдошта ва таъмини риояи меъёри фарқияти то ба 2 фоизаи байни қурби расмӣ ва қурби фурӯши доллари нақди ИМА ва аз байн бурдани фарқият дар бозори ғайрибонкӣ маънидод мекунанд.

Дар шарҳи БМТ доир ба ин масъала қайд мешавад, ки дар моҳҳои январ-октябри соли 2020 қурби расмии сомонӣ нисбат ба доллари ИМА 6,7 фоиз (аз 9,6910 сомонӣ дар аввали сол то 10,3398 сомонӣ дар санаи 30 октябр) коҳиш ёфта, дар муқоиса ба ҳамин давраи соли гузашта 3,9 банди фоизӣ зиёд мебошад.
Гуфта мешавад, яке аз сабабҳои асосии дар ин давра баланд шудани қурби фурӯши доллари нақди ИМА дар Тоҷикистон ва зиёд шудани талабот ба он, ин идома ёфтани тавозуни манфии савдои кишвар, коҳишёбии вуруди интиқолҳои пулӣ ва сармояи хориҷӣ ба кишвар ва вобаста ба ин кам шудани пешниҳоди асъори хориҷӣ дар бозори дохилӣ ба ҳисоб меравад.
Дар натиҷа, таъкид мешавад дар маълумот, фарқияти байни қурби расмии БМТ ва қурби фурӯши доллари нақди ИМА тавассути анҷомдиҳии амалиётҳои хариду фурӯши асъори хориҷӣ дар бозори ғайрибонкӣ аз меъёри муқарраршуда (2 фоиза) гузашта то ба 9,3 фоиз зиёд гардид.
Дар Бонки миллӣ бар ин назаранд, ки тасҳеҳи мазкур имкон медиҳад, ки воридот ва интиқоли маблағҳо тавассути низоми бонкии кишвар бештар гардида, манфиати интиқолдиҳандагони маблағҳо аз хориҷи кишвар ҳимоя гарданд, шаффофияти амалиётҳо бо мизоҷон таъмин карда шавад ва фаъолияти ҳаннотон дар бозорҳои ғайрибонкии нақдӣ маҳдуд гардад.
Таъкид мешавад, ки ҳамзамон, мутавозинии қурби пули миллӣ ба беҳтар намудани рақобатпазирии истеҳсолкунандагони ватанӣ, ба зиёд шудани ҳаҷми содирот ва воридоти маҳсулоти ниёзи аввалияи мардум мусоидат намуда, боиси афзудани даромади буҷети давлатӣ мегардад.
Қобили зикр аст, ки мубодилаи асъор дар Тоҷикистон танҳо дар бонкҳо амалӣ карда мешавад. Барои баргузории амалиёти ғайрибонкӣ бо доллар ҷазо муқаррар шудааст: то маҳрумият аз озодӣ ба муҳлати то 9 сол бо мусодираи молу амвол.

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.