Забони чашм ва анъанаи оилавӣ: ногуфтаҳои Дилноза аз марги писару таваллуди фарзанд -навор
Дилноза Каримова ҳанӯз ҳам аз марги ҷигарбанди худ дилхун аст. Аммо таваллуди писарча ба хонаводаи ӯ шодиву фараҳ овард
Дилноза Каримова овозхони саршиноси тоҷик дар барномаи "Ногуфтаҳо" - и Орзу Исо аз ғамҳои худ дар ҳасрати фарзанди марҳумаш қисса кард.Ҳамзамон таваллуди тифл ба хонаводаи ин ҳунарманди тоҷик, нерӯ ва қувваи нав овард.
Дилноза мегӯяд, "вақт ҳеҷ гоҳ захми дилро шифо намебахшад ва дилхунии модар аз марги фарзандаш ба ҳеҷ ваҷҳ сиҳат намешавад. Ӯ мегӯяд, ҳар боре, ки сухан аз фарзанди марҳумаш меравад, дилаш аз нав реш мешавад.
Аммо таваллуди фарзанд ӯву хонаводаашро аз рӯафтодагӣ наҷот дод.
Дилноза ҳамчунин дар рафти сӯҳбат бо Орзу Исо аз меҳрубонии хушдоман ва муҳаббати шавҳараш гуфт.
"Шояд меҳрубонии Худованд бар ман буд, ки бар ивази модари ман бароям модари нав, яъне хушдоман фиристод", - изҳор дошт Каримова.Хушдомани ӯ, ки худ зани ҳунарманд аст, интихоби фарзандашро хуб пазируфт ва ҳар бор ба Дилноза мегуфт, ки "туро писари ман дӯст медорад ва ман бошам фарзандамро ба ҷон баробар медонам. Аз ин рӯ интихоби ӯ барои ман дуруст аст".
Хушдоман ба Дилноза бо забони чашм сӯҳба кардан бо шавҳарашро омӯхт.
Шаҳри Истиқлол имрӯз аз 12 - умин солрӯзаш ҷашн мегирад - акс
Хонаводаи Дилноза як анъанаи аҷибе доранд. Новобаста аз чандин соли зиндагии муштарак, ӯву шавҳараш ҳар саҳар ангуштарини арӯсияшонро ба ангушти ҳамдигар меандозанд.
Дилноза мегӯяд, пайвандонаш дар робита ба ин анъана, аз онҳо пайваста арӯсу домоди ҷавон ном мебаранд.
Ёдовар мешавем, чанд сол пеш фарзанди ноболиғи Дилноза Каримова аз маризии саратон дар Ҳиндустон ҷон дода буд.
Read more: https://sputnik-tj.com/Tajikistan/20201101/1032193701/Zaboni-chashm-va-ananai-oilav-noguftaoi-Dilnoza-az-margi-pisaru-tavalludi-farzand--navor.html
