расонаи иттилии - Ориён » . » Ҷомеа » Сафари президент: басташавии 3-рӯзаи баъзе роҳҳо дар Хуҷанд

. / Ҷомеа

Сафари президент: басташавии 3-рӯзаи баъзе роҳҳо дар Хуҷанд

Дар вилоят 700-солагии шоири шуҳратёри тоҷик Камоли Хуҷандӣ ҷашн гирифта мешавад.

Роҳи пули “кӯҳна”-и шаҳри Хуҷанд
Сурат: photogoroda.com
Бозрасии автомобилии вилояти Суғд огоҳ мекунад, ки аз 15 то 17-уми октябр ҳаракати воситаҳои нақлиёт дар шаҳри Хуҷанд ва шаҳрҳои ҳамшафати он дар соатҳои гуногун маҳдуд ва ё пурра қатъ мегардад.
Дар эълон гуфта мешавад, ин роҳбандӣ ба сафари Эмомалӣ Раҳмон Президенти Тоҷикистон ба маркази ин вилоят барои иштирок дар ҷашнгирӣ аз 700-солагии шоири  шуҳратёри тоҷик Камоли Хуҷандӣ марбут мебошад.
БДА дар вилояти Суғд аз меҳмонону ронандагон хоҳиш кардааст, ки ҳангоми маҳдуд ва ё баста шудани роҳҳо бо роҳҳои ҳамшафат ҳаракат кунанд. Эълони БДА дар ихтиёри “Азия-Плюс” низ ҳаст ва дар он омадааст:
“Санаи 15 октябр дар кӯчаҳои ташрифотии шаҳри Бӯстон, шоҳроҳи “Ғафуров-Хуҷанд”, кӯчаи Исмоили Сомонӣ то хиёбони Раҳмон Набиеви шаҳри Хуҷанд, кӯчаи Гагарин то чорроҳаи Шарқ, кӯчаи Сирдарё маҳаллаи Чашма, гардиши Ором ва роҳи автомобилгарди “Палос-Сомғор” то шаҳри Гулистон, ҳаракати воситаи нақлиёт маҳдуд мегардад”.
Ба иттилои ин ниҳод ҳамчунин 16-уми октябр дар кӯчаҳои ташрифотии шаҳри Гулистон, шоҳроҳи “Ғафуров-Хуҷанд”, кӯчаи Исмоили Сомонӣ то Кохи Рӯдакии шаҳри Хуҷанд ва 17-уми октябр роҳҳои автомобилгарди “Ғафуров-Қаҳрамон-Пунғон”, кӯчаҳои деҳаи Сомғори ҷамоати деҳоти Исмоил то Боғи миллӣ ва бозгашт тавассути кӯчаҳои ташрифотии шаҳри Гулистон шоҳроҳи “Хуҷанд-Ғафуров” ва кӯчаҳои марказии шаҳри Бӯстон дар соатҳои зарурӣ баста мешавад ва ё ин ки ҳаракати воситаи нақлиёт маҳдуд мегардад.
Камолиддин Масъуди Хуҷандӣ, маъруф ба Шайх Камол аз орифон ва шоирони порсигӯи садаи XIV милодӣ аст ва адар адабиёти форсу тоҷик яке аз ғазалсароёни бузург эътироф шудааст. Имсол бо қарори ЮНЕСКО – Кумитаи илму фарҳанги СММ 700-солагии эшон ҷашн гирифта мешавад. 

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.