расонаи иттилии - Ориён » . » Ҷаҳон » Ӯзбекистон Амрикоро огоҳ кардааст, ки халабонҳои низомии Афғонистонро аз хокаш берун мекунад

. / Ҷаҳон

Ӯзбекистон Амрикоро огоҳ кардааст, ки халабонҳои низомии Афғонистонро аз хокаш берун мекунад

Ҳукумати Ӯзбекистон Амрикоро огоҳ кардааст, ки гурӯҳи халобонҳои баландихтисоси афғон ва хонаводаҳояшонро, ки чанде пеш ба ин кишвар омада буданд, аз Ӯзбекистон берун мекунад. Ба гуфтаи онҳо, ин талаби «Толибон» (ҳаракати фаъолияташ дар Тоҷикистон мамнӯъ) будааст.
Дар ин бора, рӯзи 30-юми август рӯзномаи амрикоии «The Wall Street Journal» бо истинод ба мансабдорони ин кишвар хабар додааст.

Ба навиштаи рӯзнома, «Толибон» баргардонидани ҳавопаймо ва чархболҳои низомиеро талаб кардаанд, ки халабонҳо дар миёнаи моҳи август бо онҳо ба Ӯзбекистон парвоз карда буданд.

Сухан дар бораи халабонҳои афғонистоние меравад, ки ки ду ҳафта пеш бо чархболу ҳавопаймоҳои Нерӯҳои ҳавоии Афғонистон ба Ӯзбекистон фирор карда буданд. Рӯзи 16 август Додситонии кулли Ӯзбекистон хабар дод, ки 22 ҳавопаймои низомӣ ва 24 чархбол, ки дар онҳо 585 низомии мусаллаҳи Афғонистон буданд, ғайриқонунӣ ҳарими ҳавоии кишварро убур кардаанд. Ҳангоми роҳнамоӣ ҳавопаймои МИГ-29-и Ӯзбекистон ва Embraer 314-и Афғонистон ба ҳам бархӯрдан.

Нашрия халабонҳои Афғонистонро, ки ба Ӯзбекистон гурехтаанд, ба далели нақши онҳо дар зарбаҳои ҳавоӣ, ки дар тӯли даҳсолаи охир ба амал омадааст ва талафоти зиёд дар пай дошт, «яке аз душманони ашаддии Толибон» меномад.

«Толибон» ҳамчунин аз Ӯзбекистон даъват карданд, ки ҳавопаймоҳояшонро ба Афғонистон баргардонад, — менависад WSJ.

Вакили конгресс, узви Кумитаи равобити хориҷии Палатаи намояндагон ва собиқ халабони нерӯҳои ҳавоии ИМА Август Пфлюгер аз котиби давлатии ИМА Энтони Блинкен хоҳиш кардааст, то ба халабонҳое, ки ба хатари интиқоми «Толибон» рӯбарӯ ҳастанд, кӯмак кунад.
 
Сарчашма: ​asiaplustj.info​​​

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.