расонаи иттилии - Ориён » . » Иқтисодиёт » Дар Тоҷикистон наздики 30 блогерро ошкор кардаанд, ки бояд андоз супоранд

. / Иқтисодиёт

Дар Тоҷикистон наздики 30 блогерро ошкор кардаанд, ки бояд андоз супоранд

Ба блогерони тоҷик то 1 апрели соли 2021 муҳлат дода шуд, ки дар мақомоти андоз худро ба қайд гузоранд, хабар дод сардори Сарраёсати Кумитаи андози ҷумҳурӣ Шамсулло Кабирзода зимни нишасти матбуотии рӯзи 18 феврал.
Ба гуфтаи ӯ, блогерон огоҳ карда шудаанд, ки то санаи зикршуда худро сабтином кунанд.
“Агар ба қайд нагузоранд, нисбаташон чораҳои дахлдор андешида хоҳад шуд”, - иброз дошт ӯ.
Кабирзода қайд кард, ки мутахассисони Кумитаи андоз фаъолияти блогеронро омӯхта, ба рӯйхати андозсупорандагон шомил кардани онҳоро зарур донистанд.
“Тибқи таҳлилҳои Кумита, наздики 30 шабака ошкор шуд, ки аз 3 то 20 млн боздид ҷамъ меоваранд”, - зикр кард мутахассис.
Зимнан илова шуд, ки ба корҳо дар ин самт идома бахшида мешавад.
Қобили зикр аст, ки соли гузашта ба Кодекси андоз тағйироту иловаҳо ворид гардида, мувофиқи онҳо ҳамаи хизматрасониҳои электронӣ андозбандӣ мешаванд.
Дар Кумита мегӯянд, мувофиқи қонунгузорӣ, ҳамаи шахсони дорои даромад бояд андоз аз даромад пардохт намоянд.
Қаблан намояндаи Кумита ба “Азия-Плюс” изҳор дошта буд, ки ҳама назди қонун баробаранд ва блогерон низ аз фаъолияти худ дар интернет даромад гирифта, дар баробари ҳама бояд андоз пардохт кунанд.
“Пас, чаро шахсоне, ки бо кори кори душвори ҷисмонӣ пул кор мекунанд, бояд андоз пардохт кунанду блогерон, ки бо кори осон ҳатто зиёдтар аз онҳо маблағ ба даст меоранд, набояд андоз пардохт намоянд? Чаро, бо кадом сабаб?”, - савол дода буд корманди Кумитаи андоз.
Ба гуфтаи ӯ, муқаррарот дар ин самт бо назардошти зарар нарасонидан ба фаъолияти блогерон ва ҳамчунин пешгирии пинҳонкунии даромади онҳо таҳия мешавад.
Аксарияти блогерони тоҷик мегӯянд, даромади онҳо начандон зиёд буда, имкони пардохти андозро надоранд ва ба гумони ғолиб, саҳифаҳои худро дар шабакаҳои иҷтимоӣ мебанданд.
Read more: https://asiaplustj.info/tj/news/tajikistan/society/20210218/dar-toikiston-nazdiki-30-blogerro-oshkor-kardaand-ki-boyad-andoz-suporand

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.