Ошкор гардидани ташкили муҳоҷирати ғайриқонунӣ
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия дар фурудгоҳи шаҳри Душанбе марди 33-солаи сокини ҷамоати деҳоти Ғайрати ноҳияи Фархор бо гумони ташкили муҳоҷирати ғайриқонунӣ дастгир карда шуд.Номбурда, соли 2019 дар шаҳри Москваи Федератсияи Россия марди 31-солаи сокини ноҳияи мазкурро 4 моҳ барои ороиши бино киро намуда, маблағи пулӣ дар ҳаҷми 320 ҳазор рубли русӣ маошашро пардохт накардааст.
Инчунин номбурда аз соли 2017 то соли 2019 дар шаҳри Москваи Федератсияи Россия ҷавони 24-солаи сокини ҳамин ноҳияро барои ороиши бино истифода бурда, дар ҳаҷми 340 ҳазор рубли русӣ маошашро пардохт накардааст.
Аз рӯи ҳодисаҳои мазкур тафтишот идома дорад.