Расонидани ҷароҳати ҷисмонӣ
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавони 22-солаи сокини ҷамоати деҳоти Ғ.Ортиқови шаҳри Конибодом бо гумони қасдан расонидани зарари миёна ба саломатӣ дастгир карда шуд.Номбурда, санаи 27-уми сентябри соли 2020, тахминан соати 22:45-дақиқа, дар кӯчаи И.Сомонии шаҳри Конибодом бо марди 30-солаи сокини шаҳри мазкур ҷангу ҷанҷол карда, ӯро лату кӯб карда, ҷароҳати ҷисмонӣ расонидааст.
Мувофиқи хулосаи Ташхиси судӣ-тиббӣ ҷароҳати бардоштаи ҷабрдида зарари миёна ба саломатӣ мансуб мебошад.
Нисбати гумонбаршаванда парвандаи ҷиноятӣ бо моддаи 111 қисми 1 Кодекси ҷиноятии Ҷумҳурии Тоҷикистон оғоз гардида, тафтишот идома дорад.
