Як нафар ҷавонзани 39-солаи сокини пойтахт ба мақомоти милитсияи шаҳри Душанбе бо аризаи шикоятӣ дар он хусус муроҷиат намуд, ки нисбати як нафар ҷавонписари ношинос чораҳои қонунӣ андешида шавад. Тибқи иттилои номбурда ин ҷавонписар пайваста ба телефони мобилии ӯ занг зада, бо суханони қабеҳ ҷавонзани муроҷиаткунандаро мавриди таҳқиру дашном қарор медодааст.

 

 Кормандони мақомоти милитсияи шаҳри Душанбе дар натиҷаи гузаронидани як қатор чорабиниҳои оперативӣ-ҷустуҷӯӣ муайян намуданд, ки ин нафар шаҳрванд Раҳматуллоев Раҳматулло Гадобоевич санаи таваллудаш 07.09.1971. истиқоматкунандаи шаҳри Душанбе кӯчаи Навбаҳор мебошад.

 

 

 Баъд аз ба мақомоти милитсия дастрас намудан номбурда ба кирдорҳои содирнамудаи худ иқрор шуда, иброз дошт, ки дар ҳақиқат ба рақамҳои мобилии ҷавонзани муроҷиаткунанда телефон карда, ӯро дашному ҳақорат намудааст.

  

Бо назардошти ҳолати мазкур нисбати ҳуқуқвайронкунанда шаҳрванд Раҳматуллоев Раҳматулло парвандаи маъмурӣ тартиб дода шуда, бо Қарори Суд нисбаташ ҷазо дар намуди ҳабси маъмурӣ ба муҳлати 15-шабонарӯз таъин карда шуд.