Ба ШВКД дар шаҳри Норак бо ариза пирамарди 80-солаи сокини ҷамоати деҳоти Пули-Сангини шаҳри мазкур муроҷиат намудааст, ки шаби 22 ба 23-юми августи соли 2020, шахсони номаълум бо роҳи пинҳонӣ аз заминҳои чарогоҳи деҳаи Дӯстӣ 1-сар чорвои калони шохдорро дуздида, аз ҷойи ҳодиса ғайб задаанд.

Зарари расонидашуда 8 ҳазор сомониро ташкил медиҳад.

Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 30 ва ҷавони 20-солаи сокинони ҷамоати деҳоти Пули-Сангини ҳамин шаҳр бо гумони содир намудани ҷинояти дуздӣ дастгир карда шуданд.

Инчунин, дар натиҷаи гузаронидани гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 30-солаи сокини ноҳияи Ёвон ҳамчун гумонбар дар содир намудани ҷинояти дуздӣ дастгир карда шуд.

Номбурда, санаи 27-уми июли соли 2020, бо роҳи пинҳонӣ аз дохили ошхонаи «Кӯҳи Сафед», воқеъ дар ҷамоати шаҳраки Ёвони ноҳияи мазкур 1-адад телефони мобилии тамғаи «Леко-2»-ро дуздида, аз ҷойи ҳодиса ғайб задааст.

Аз рӯи ин ҳодисаҳо тафтишот идома дорад.