ДАҲШАТ: Марди 61 сола бо бел марди 57 соларо зада кушт
Номбурда, 26-уми марти соли 2021, тахминан соати 08:00, дар кӯчаи Зарбдори ҷамоати деҳоти Хистеварз бо марди 57-солаи сокини ҷамоати деҳоти мазкур муноқиша карда, бо бели дар дасташ буда 1-маротиба ба сараш задааст.
Дар натиҷа, ҷабрдида ҷароҳати вазнини ҷисмонӣ бардошта дар шуъбаи эҳёи беморхона бистарӣ гардонида шудааст.
Номбурда, рӯзи 4-уми апрели соли 2021, тахминан соати 23:10-дақиқа, аз ҷароҳати бардоштааш дар беморхона ба ҳалокат расидааст.
Нисбати гумонбаршаванда парвандаи ҷиноятӣ бо моддаи 110 қисми 3 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.
