Қасдан расонидани зарари вазнин ба саломатӣ дар заминаи ҷангу ҷанҷол
Зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия ноболиғи 17-солаи сокини ҷамоати деҳоти Яхтани ноҳияи Деваштич бо гумони қасдан расонидани зарари вазнин ба саломатӣ дастгир карда шуд.Номбурда, 29-уми марти соли 2021, тахминан соати 16:30-дақиқа, дар хонаи муваққатан истиқоматиашон, воқеъ дар кӯчаи Ҳ.Усмони шаҳри Хуҷанд аз сабаби муноқишаи ба миён омада, бо ҳамхонааш ҷавони 19-сола ҷангу ҷанҷол намуда, бо оҳанпора 1-маротиба ба сари ӯ задааст.
Дар натиҷа, ҷабрдида ҷароҳати вазнини ҷисмонӣ ба саломатиаш бардоштааст.
Нисбати гумонбаршаванда парвандаи ҷиноятӣ бо моддаи 110 қисми 1 Кодекси ҷиноятии Ҷумҳурии Тоҷикистон оғоз гардида, тафтишот идома дорад.