Ифшо гардидани ҷиноятҳои дуздӣ
Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 40-солаи сокини ҷамоати деҳоти Меҳрободи ноҳияи Ҷ.Расулов, ки пеш бо моддаи 244 Кодекси ҷиноятии Ҷумҳурии Тоҷикистон суд шудааст, бо гумони содир намудани ҷинояти дуздӣ дастгир карда шуд.Номбурда, 3-юми марти соли 2021, тахминан соати 18:30-дақиқа, бо роҳи пинҳонӣ аз дохили ду тепловози бекорхобида, ки дар КФ “Пойгоҳи Локомотивии минтақаи Суғд” КВД РОТ қарор доштанд, 174-метр ноқилҳои мисиро дуздида, аз ҷойи ҳодиса ғайб задааст. Зарари расонидашуда 212 ҳазору 180-сомониро ташкил медиҳад.
Инчунин, зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия ҷавони 24-солаи сокини шаҳри Кӯлоб ҳамчун гумонбар дар содир намудани ҷинояти дуздӣ дастгир карда шуда, барои дастгир намудани шарикаш ҷавони 24-солаи сокини шаҳри Бохтар, ки пеш бо моддаи 244 Кодекси ҷиноятии Ҷумҳурии Тоҷикистон суд шудааст, чорабиниҳои оперативӣ-ҷустуҷӯӣ идома дорад.
Номбурдагон, 4-уми марти соли 2021, тахминан соати 11:00, ҳангоми дар маршрути хатсайри №25-и пойтахт қарор доштани марди 35-солаи сокини пойтахт бо роҳи пинҳонӣ аз ҷайбаш 1-адад телефони мобилии тамғаи “Редми-5”-ро дуздида, аз ҷойи ҳодиса ғайб задаанд. Зарари расонидашуда 3 ҳазор сомониро ташкил медиҳад.
Аз рӯи ин ҳодисаҳо тафтишот идома дорад