Ошкор гардидани якчанд кирдори қаллобӣ
Инчунин дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия муайян карда шуд, ки ҷавони 22-солаи сокини шаҳри Бохтар, санаи 4-уми августи соли 2020, бо роҳи фиреб ба боварии марди 31-солаи сокини ҷамоати деҳоти Арбобхотуни ноҳияи Рӯдакӣ даромада, аз ӯ 20 ҳазор сомонӣ гирифта ваъда додааст, ки дар рӯзҳои наздик бармегардонад. Ҳамин тариқ, боз такроран гумонбаршаванда санаи 17-уми августи соли 2020, аз ҷабрдида 50 ҳазор сомонӣ ва санаи 23-юми августи соли 2020, номбурда бо ҳамин роҳ аз ҷабрдида 5 ҳазор сомонӣ гирифта, то ҳол маблғҳои гирифтаашро барнагардонидааст. Зарари расонидашуда 75 ҳазор сомониро ташкил медиҳад.
Нисбати гумонбаршаванда парвандаи ҷиноятӣ бо моддаи 247 қисми 4 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.
