Боздошти чор нафар барои содир намудани ҷинояти дуздӣ
Ба ШВКД-1 дар ноҳияи Фирдавсӣ бо ариза марди 40-солаи сокини ноҳияи Рӯдакӣ муроҷиат намудааст, ки санаи 8-уми ноябри соли 2020, шахсони номаълум, бо роҳи пинҳонӣ ба хонаи истиқоматиаш даромада, молу ашёҳои рӯзгорро дуздида, аз ҷойи ҳодиса ғайб задаанд. Зарари расонидашуда 6 ҳазор 520-сомониро ташкил медиҳад.Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавони 21-солаи сокини пойтахт бо гумони содир намудани ҷинояти дуздӣ дастгир карда шуд.
Инчунин дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавонони 18, 21 ва 22-солаи сокинони ҷамоати деҳоти Деҳқонободи ноҳияи Дустӣ ҳамчун гумонбар дар содир намудани ҷинояти дуздӣ дастгир карда шуданд.
Номбурдагон шаби 9-уми ноябри соли 2020, тахминан соатҳои 24:00, бо роҳи пинҳонӣ ба тавақуфгоҳи ҶСП “Ҷунтай Хатлон Син-силу” воқеъ дар ҷамоати деҳоти Деҳқонободи ноҳияи мазкур даромада, қисмҳои эҳтиётии тракторро дуздида, аз ҷойи ҳодиса ғайб задаанд. Зарари расонидашуда 32 ҳазор сомониро ташкил медиҳад.
Аз рӯи ин ҳодисаҳо тафтишот идома дорад