Ошкор гардидани кирдорҳои қаллобӣ
Ба ШВКД-2 дар ноҳияи Шоҳмансур бо ариза зани 31-солаи сокини ҷамоати деҳоти Гулистони ноҳияи Рӯдакӣ муроҷиат намудааст, ки аз моҳи феврал то моҳи апрели соли 2020, марди 31-солаи сокини ноҳияи мазкур бо роҳи фиреб ба бовариаш даромада, аз ӯ 47 ҳазору 500 сомонӣ, 1-адад гарданбанди тиллоӣ, 1-адад телефонии мобилии тамғаи «Самсунг Ҷ-3»-ро гирифта ваъда додааст, ки хона харида медиҳад, аммо то ҳол ваъдаашро иҷро накардааст. Зарари расонидашуда 53 ҳазору 200 сомониро ташкил медиҳад.Инчунин зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия муайан карда шуд, ки санаи 20-уми ноябри соли 2019, ҷавони 22-солаи сокини пойтахт бо роҳи фиреб ба боварии ҷавони 26-солаи сокини шаҳри Ваҳдат даромада, аз ӯ 200 ҳазор сомониро гирифта, то ҳол барнагардонидааст.
Ҳамин тариқ ба ШВКД дар ноҳияи И.Сомонӣ бо ариза ҷавони 18-солаи сокини шаҳри Душанбе муроҷиат намудааст, ки моҳи апрели соли 2019, ҷавони 22-солаи сокини пойтахт бо роҳи фиреб ба бовариаш даромада, аз ӯ 6 ҳазору 50-сомонӣ гирифта, то ҳол барнагардонидааст.
Аз рӯи ин ҳодисаҳо тафтишот идома дорад.