Ҳалокати 3 кас, аз ҷумла 2 кӯдак дар садамаи нақлиёт
Ҳодиса дар шоҳроҳи Душанбе-Кӯлоб-Хоруғ рух дод.
Сурат: Акси марбута аз торнамои nsktv.ruБар асари садамаи нақлиёт дар роҳи автомобилгарди Душанбе-Кӯлоб-Хоруғ, ки рӯзи 8 ноябр рух дод, 3 кас, аз ҷумла 2 нафар кӯдакон ба ҳалокат расиданд.
Бино ба иттилои маркази матбуоти ВКД Тоҷикистон, ронандаи автомашинаи тамғаи “Опел-Вектра”, сокини шаҳри Ваҳдат Баҳром Зикриллоеви 35-сола ҳангоми ҳаракат аз самти шаҳри Норак ба тарафи шаҳри Ваҳдат дар километри 25-уми шоҳроҳи «Душанбе-Кӯлоб-Хоруғ» аз уҳдаи идораи воситаи нақлиёт набаромада, ба самти муқобили роҳ мебаорояд ва ба автомашинаи тамғаи «Тайота-Прадо» таҳти идораи ронанда Аваз Маҳсиддинзодаи 36-сола, сокини ҷамоати деҳоти Неъматободи ноҳияи Ҳамадонӣ бармехӯрад.
Гуфта мешавад, дар натиҷаи бархӯрд ронандаи автомашинаи “Опел-Вектра” ва ду ҷияни ноболиғаш - Нигина Зикриллоеваи 2-сола ва Азамат Зикриллоеви 4-сола ба ҳалокат расидаанд.
