Ошкор гардидани ғоратгарии ду ҷавон
Ба ШВКД-1 дар ноҳияи Рӯдакӣ аризаи марди 21-солаи сокини ҷамоати деҳоти Чоргултеппаи ноҳияи мазкур ворид гардид, ки санаи 27-уми октябри соли 2020, тахминан соати 19:40-дақиқа, дар назди хонаи истиқоматиаш 2 нафар шахси номаълум ӯро лату кӯб намуда, бо роҳи зӯроварӣ аз дасташ 1-адад телефони мобилии тамғаи “Айфон-10”-ро тасарруф намуда, аз ҷойи ҳодиса ғайб задаанд. Зарари расонидашуда 8000 сомониро ташкил медиҳад.Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавони 17 солаи сокини шаҳри Душанбе ва ҷавони 18-солаи сокини ноҳияи Ҳамадонӣ ҳамчун гумонбар дар содир намудани ҷинояти ғоратгарӣ дастгир гардида, аз рӯи ин ҳодиса тафтишот идома дорад.