расонаи иттилии - Ориён » АХБОРИ ОҶИЛ » Даргирии мусаллаҳона дар марзи Тоҷикистону Афғонистон: як низомии тоҷик кушта шуд

АХБОРИ ОҶИЛ / Асосӣ / Ҳаводис

Даргирии мусаллаҳона дар марзи Тоҷикистону Афғонистон: як низомии тоҷик кушта шуд

Гуруҳи мусаллаҳи қочоқбарон шаби 28 март қасди интиқоли маводи мухаддир аз Афғонистон ба Тоҷикистон кардаанд, ки дар натиҷа дар сарҳад даргирӣ рух додаст

Дар пайи даргирии мусаллаҳона бо қочоқбарони афғон дар ВМКБ як хизматчии ҳарбӣ кушта шудааст, иттилоъ дод маркази матбуоти отряди сарҳадии "Хоруғ".
Ба иттилои манбаъ, ҳодиса 28 апрели соли 2023, шабона соати 1:30 дақиқа рух додаст.
Ин ниҳод афзуд, ки гуруҳи 8-нафарии қочоқбарон, таҳти роҳбарии Додихудо, Нодиршо ва Забӣ валади Муҳаммадсахӣ, сокинони қарияи Барпанҷаи вулусволии Шуғнони вилояти Бадахшони Афғонистон қарор доштаанд.
Мақсади онҳо интиқоли маводи мухаддир дар ҳаҷми махсусан калон ва силоҳу лавозимоти ҷангӣ ба Тоҷикистон дар минтақаи муҳофизатии дидбонгоҳи сарҳадии 9-уми "Тишор"-и отряди сарҳадии "Хоруғ" гуфта мешавад.
Мақомот мегӯянд, қочоқбарон ба амри марзбонони тоҷик дар хусуси таслим шудан итоат накарда, аз силоҳҳои гурӯҳӣ оташ кушоданд.
"Ҷинояткорон ба оташи ҷавобӣ тоб наоварда, маводи мухаддир ва силоҳу лавозимоти ҷангиро дар ҷои ҳодиса партофта, бо истифода аз торикии шаб ба тарафи Афғонистон фирор карданд", - омадааст дар иттилоия.
Таъкид шудааст, ки дар ҷои ҳодиса 3 нафар ҳаммаслакони қочоқбарони афғон аз ҳисоби шаҳрвандони Тоҷикистон дастгир карда шуданд.
Манбаъ афзуд, ки ҳамчунин дар ҷои ҳодиса 45 кило маводи мухаддири сахттаъсири навъи "героин", 1 адад автомати Калашников бо 4 адад тирдон, 74 дона тир, 1 адад дурбини махсуси назорати шабона ва 10ҳазор доллари ИМА дарёфт ва мусодира карда шуд.
КДАМ мегӯяд, нисбат ба ҳодисаи мазкур парвандаи ҷиноятӣ оғоз карда шуда, чорабиниҳои фаврӣ-ҷустуҷӯӣ ва тафтишотӣ идома доранд.

sputnik.tj

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

  • ok bet | Гости

    Pretty nice post. I just stumbled upon your weblog and wanted to say that I have really enjoyed browsing your blog posts. After all I’ll be subscribing to your feed and I hope you write again soon! 

    My website: OKBet online login

     

  • Ахборотҳоро ба суроғаи электронии мо - tamos@orien.info ирсол намоед.

    забонҳо

    Маъмурияти сомона:

    Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.