расонаи иттилии - Ориён » АХБОРИ ОҶИЛ » Талафоти ҷонию суҳбати Раҳмон бо раиси ВМКБ: вилоят дар чӣ ҳол аст?

АХБОРИ ОҶИЛ / Асосӣ / Президент / Ҳаводис

Талафоти ҷонию суҳбати Раҳмон бо раиси ВМКБ: вилоят дар чӣ ҳол аст?

Барфрезию тармафароиҳои маргбори харобиовар дар ВМКБ бисёре аз қисматҳои вилоятро дар муҳосира монда, барқу алоқаи мобилӣ дастнорасанд

Президенти Тоҷикистон, Эмомалӣ Раҳмон бо раиси Вилояти Мухтори Кӯҳистони Бадахшон Алишер Мирзонабот суҳбати телефонӣ анҷом дод.
Ба иттилои дафтари матбуоти президент, мавзӯи суҳбати Раҳмону Мирзонабот, боришоти барфи шадиду фаромадани тарма буд, ки боиси талафоти ҷонӣ ва хисороти моддӣ шудааст.
Дафтари матбуоти президенти Тоҷикистон дар ҳоле аз талафоти ҷонӣ бар асари ин офати табиӣ мегӯяд, ки расман мақомоти тоҷик ҳанӯз шумораи ҳалокшудагонро эълон накардаанд. Дар шабакаҳои иҷтимоӣ аз ҳалокати то 4 - 5 нафар хабар дода мешавад, ки тасдиқи расмияш ҳанӯз нест.
Эмомалӣ Раҳмон вобаста ба ҳар чӣ зудтар бартараф кардани оқибатҳои офати табиӣ ва расондани кумаки моддӣ ба оилаҳои зарардидагон ба сарвазири мамлакат, Қоҳир Расулзода, роҳбарияти ВМКБ, ВКД ва КҲФ супоришҳои мушаххас додааст.
Манбаъ зикр намуд, ки дар натиҷаи боришоти барфи зиёд дар се шабонарӯзи охир баландии барф бештар аз як метрро ташкил дода, дар шаҳри Хоруғ тарма фаромад.
Тарма чандин хонаҳои истиқоматиро зикр намуда, ба иттилои шоҳидон то ҳол 5 нафар аз зери барф бароварда шудаанд.
Дар ҳамин ҳол сокинони ВМКБ мегӯянд, бар асари офати табиӣ бисёре аз мактабу коргоҳҳо баста шуда, ҳаракат дар роҳҳо низ масдуд аст. Барқ дар бисёри минтақаҳои ВМКБ қатъ шуда, алоқаи мобилӣ низ дар бархе аз минтақаҳои вилоят дастнорас мебошад.
Ҳавошиносон мегӯянд, барфрезии шадид дар минтақа метавонад то 19 феврал идома ёбад.

sputnik-tj

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

  • Ахборотҳоро ба суроғаи электронии мо - tamos@orien.info ирсол намоед.

    забонҳо

    Маъмурияти сомона:

    Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.