АХБОРИ ОҶИЛ / Асосӣ / Ҷаҳон
Расонаҳо ошкор карданд, ки чаро Байден бо Зеленский ҷанҷол кардааст
Зеленский беохир Байденро бо дархости кумак таҳқир мекунад ва агар онро қабул накунад, ӯ норозигии ошкоро баён мекунад: чунин усулҳо Вашингтонро хашмгин мекунанд
ДУШАНБЕ, 31 окт — Sputnik. Миёни Иёлоти Муттаҳида ва Украина ҷанҷолҳои мунтазам ба вуҷуд меоянд. Дар ин бора нашрияи Politico бо истинод ба мансабдорони собиқи Амрико менависад.
Сабаби ихтилофи назар миёни Киев ва Вашингтон норозигии ошкорои Владимир Зеленский, раисиҷумҳури Украина аз кумаки нокифояи ИМА будааст.
Ба гуфтаи ҳамсуҳбатони рӯзнома, Ҷо Байден, раиси ҷумҳури Амрико, дар посух ба дархостҳои пайвастаи ҷониби Киев аксар вақт намехост, ба Украина маблағ ва силоҳ ҷудо кунад.
"Роҳбари Украина дар вокуниш ба ин аксар вақт норозигии худро ошкоро баён мекунад. Ин як тактикае аст, ки боиси ихтилофоти байни украинҳо ва маъмурияти Байден шудааст" ,-гуфтанд мақомоти амрикоӣ.
Сафири собиқи ИМА дар Лаҳистон Даниел Фрид гуфт, Кохи сафед аз усулҳои Зеленский хашмгин шудааст.
Вай гуё Вашингтонро бо мушт фишурда истодааст, ки аз маъмурияти роҳбари Амрико хеле норозӣ аст.
Нашрия таъкид мекунад, ки агар ҷумҳурихоҳон дар интихоботи миёндавраии Конгресси ИМА пирӯз шаванд, Украина аз ин равиш бештар истифода хоҳад кард.
Бояд гуфт, ки дар ҷараёни амалиёти вижаи Русия барои ҳифзи Донбасс, давлатҳо ва муттаҳидони онҳо дар НАТО ба таъмини силоҳ ба Украина шурӯъ карданд.
Федератсияи Русия қайд кард, ки чунин чораҳо муноқишаро дароз мекунанд ва мошинҳои дорои таҷҳизоти низомӣ ҳадафи қонунии артиши Русия мешаванд.
